Asistencia ao concerto de Gallaecia Big Band e visita ao Museo de Historia Natural

17 de febrero de 2017

A mañá do pasado xoves foi para o alumnado de 1º e 2º da ESO unha mañá diferente. Desprazámonos a Santiago para participar en dúas actividades programadas; primeiro estivemos no concerto da “Gallaecia Big Band”, un espectáculo musical que procura achegar o jazz aos xoves dunha forma entretida e participativa e a continuación, no Museo de Historia Natural, no parque de Vista Alegre, fixemos un máis que interesante percorrido polo conxunto patrimonial que alí se alberga, con pezas únicas e de gran valor para o estudo e a divulgación da biodiversidade e o medio ambiente.

Así foi a nosa Patroa

17 de febrero de 2017

Un ano máis enchemos o escenario de baile, de teatro, de emoción e, sobre todo, de moitas risas. Ah! E as lambetadas de 4º, todo un clásico, tampouco faltaron á cita…

Día da Paz por Siria

6 de febrero de 2017

IMG_0654
O pasado luns, 30 de xaneiro, celebramos o Día pola Paz e a Non Violencia e nesta ocasión reflexionamos sobre o sentido da efeméride a partir dun caso concreto, o conflito de Siria. Para iso, logo da lectura do Manifesto pola Paz, feita por Alba e Pablo de 3º ESO, tivemos unha charla na que contamos coa presenza de Nour Al-Hussen Villa. Nour, filla de nai galega e pai sirio, é politóloga e autora do blog A la otra Orilla del Eufrates, espazo no que verque moitas das súas reflexións sobre a actualidade do conflito e no que non faltan tampouco lembranzas dos seus anos naquel país.
O seu relato aclarounos moitas dúbidas e ao final foi tanta a curiosidade que nos espertou que o tempo das preguntas se fixo escaso.
Moitas grazas, Nour, pola túa visita, e por unha charla tan amena e tan didáctica.

“A censura no cine”, charla de Pedro Pérez

20 de enero de 2017

IMG_1650

 

O 10 de xaneiro, estivo con nós Pedro Pérez. Pedro, que xa nos acompañara noutras ocasións, forma parte da produtora audiovisual “Producciones Trípode” e é un gran coñecedor do mundo do cine. É promotor e organizador, ademais, do festival de terror “Panic” que se desenvolve na nosa vila desde o 13 de xaneiro ata o próximo 3 de febreiro. Como complemento ás actividades do festival estanse a realizar charlas arredor do mundo do cine e, en concreto, sobre a censura, os distintos tipos de censura que se poden ver nas películas e como esta práctica se desenvolveu en moitas películas ao longo do tempo. Pedro acercouse ao noso centro para falarnos de todo iso.

Cómpre indicar que o “Festival Panic” comezou o programa da súa cuarta edición o pasado 13 de xaneiro cunha intervención do actor Manuel Manquiña e co pase da curtametraxe de Abel Carbajal, La araña inmóvil e, por suposto, nese primeiro día non faltou tampouco a maratón de cine de terror nos Minicines Central  con títulos como Piraña 3DD,  Noche de miedo, Al interior e Amanecer de los muertos. Para o venres, 20 de xaneiro, está prevista a proxección do filme Nunca apagues la luz, precedido polo pase da curta Penitencia, do director estradense Jorge Castro e tamén nesta xornada a actriz Paula Carballeira protagonizará  un espectáculo de contos de medo. O vindeiro venres 27 ás 21.00 horas a compañía Ghazafellos poñerá en escena «Frankestein» e proxectarase a curta Las últimas supervivientes. O festival continuará o día 2 de febreiro coa entrega dos premios aos gañadores do concurso de «móbilsustos» e a proxección d´A matanza caníbal. A última xornada será o día 3 de febreiro e contará coa presenza do actor David Amor que ademais de clausurar o festival  falará de Pani, a curtametraxe de terror na que participa xunto con Terele Pávez. Despois do pase desta curta será o momento de Train to Busan, a última proxección do festival.

Grazas, Pedro, por contarnos tantas cousas e axudarnos a ver o cine con outros ollos. ¡Ata a  próxima!

 

 

 

Bo Nadal e Felices Festas

22 de diciembre de 2016

postal

Que a Estrela do Nadal nos leve a percorrer o mundo e poder así compartir xenerosidade, solidariedade e paz entre todas as persoas que habitamos este planeta.

 

1 / 6312345...102030...63